Rod Stewart, die rocker met die rasperstem, daardie kenmerkende deurmekaar blonde boskasie, ’n passie vir sokker en sy berugte reputasie wat vroue betref, is Dinsdag in alle erns “tot orde geroep”.

Die man wat al vyf dekades lank met sy musiek wêreldwyd bekoor, is amptelik deur prins William tot ridder geslaan uit erkenning vir sy bydrae tot musiek en liefdadigheid.

Rod, wat ’n stewige skeut Skotse bloed in sy are het, het seker gemaak sy uitrusting weerspieël die trotse tradisie met sy baadjie en geruite broek.

Die 71-jarige het die geleentheid beskryf as iets wat hom laat voel het asof hy in die sewende hemel is.

“Ek wens net my ma en my pa kon hier wees om dit te sien,” het hy gesê.

Hy het ook die koningin bedank vir die geweldige eer wat hom aangedoen is en belowe hy sal homself “gedra”.

Sy spitsvondigheid het ook nie agterweë gebly nie. Toe prins William hom met sy lang loopbaan komplimenteer, het hy gou laat hoor: “Ek moet; ek het agt kinders!”

Rod het ook vertel sy orkes sluit nou agt vroue in – “meer as wat daar in die Withuis is”.

Tydens ’n onvoorbereide onderhoud ná die seremonie het hy en sy vrou, Penny, die gek geskeer oor die riddersmedalje en dat hy dit elke oggend na die ontbyttafel gaan dra.

Tien kitsfeite oor Rod Stewart
1. Hy is op 10 Januarie 1945 as Roderick David Stewart in Highgate, Londen, gebore. Rod was die jongste van vyf kinders.
2. Sy musiekloopbaan strek oor meer as 50 jaar.
3. Rod is die afgelope nege jaar met die model Penny Lancaster getroud. Hulle is sedert 1999 ’n paartjie.
4. Hulle het twee seuns: Alistair en Aiden.
5. Rod noem Penny sy “muur van Berlyn” en iemand wat hy tot die dood toe liefhet.
6. Sy eerste groot enkeltreffer was Maggie May in 1971.
7. Hy het al meer as 100 miljoen albums wêreldwyd verkoop.
8. Sy stokperdjie as jongeling was modeltreinstelle.
9. Rod het onder meer koerante afgelewer, kortliks as ’n arbeider vir die Highgate-begraafplaas gewerk, in ’n begrafnisondernemer in Finchley gewerk, heinings opgerig en as ’n sierwerker sy daaglikse brood verdien.

Vyf van Rod Stewart se bestes

1. First Cut Is The Deepest

2. Maggie May

3. Sailing

4. You’re in my heart

5. Have You Ever Seen The Rain

Bronne: bbcnews.com, independent.co.uk, mirror.co.uk, boomsbeat.com

Die Blou Bul-rugbyspeler Jacques Potgieter het op sy Instagram-profiel gewys hy het behoorlik murg in sy pype.

Jacques, wat saam met sy vrou, die aktrise Angelique Gerber, hul eersteling verwag, het ’n video gedeel waarin hy met ’n spuitnaald sy blomkooloor dreineer.

“Dié van julle wat nie pyn kan hanteer nie, moet dit nie eens probeer nie,” sê hy in die video.

“Blomkooloor” gebeur wanneer ’n mens se oor ’n hou kry en dan ’n bloedklont vorm. Dit is veral algemeen onder rugbyspelers en boksers. Jacques druk die naald in waar die bloedklont gevorm het en begin stelselmatig die bloed dreineer.

Hy het sowat 2 ml se bloed uit sy oor getrek.

Haha don't try this at home #doctorpotgieter #rugbyscars

A video posted by Jacques Potgieter (@jacquespotgieter7) on Oct 11, 2016 at 10:32pm PDT

Eina!

Dit is ’n hartseer paar dae vir Reine Swart en haar familie nadat haar ouma, Gerti Pistorius (93), Sondagoggend ná ’n kort siekte in die hospitaal oorlede is.

Sy het net soos haar nefie, die veroordeelde lemnaeler Oscar Pistorius, hul geliefde ouma “Oumie” genoem.

Reine, wat verlede jaar een van die sterre in die branderry-fliek Die Pro was, het gister in die sosiale media ’n pragtige foto van haar en haar ouma gedeel. Die foto is in 2014 op Reine se troudag geneem.

“Vol mooi lewe Oumie Gerti . . . Skerp en pragtig op 93. Dankbaar. Lief. Mis Oumie,” het sy by die foto geskryf.

A photo posted by Reine Swart (@reineswart) on Oct 11, 2016 at 3:10am PDT

Op die foto kan ’n mens ’n ouma sien wat straal van trots oor haar talentvolle kleindogter.

Reine het die afgelope paar maande ’n besige tyd op die silwerdoek gehad. Sy gaan volgende jaar weer op die groot skerm te sien wees in die rolprent O Vet.

Dit vertel die verhaal van vroue se stryd met hul gewig, ongeag wat die skaal sê.

Bertha le Roux, wat van 2002 tot 2014 Emma in 7de Laan gespeel het, vertolk die rol van ’n oorgewig joernalis wat ’n tydskrifstorie oor ’n gewigsverliesgroep doen. Reine se karakter is ’n fiksheidsinstrukteur by dié groep.

Sy het ook pas klaar verfilm aan die Van der Merwe-fliek waarin die blondekop by tye ’n swart kapsel dra. Die fliek handel oor die man agter die legendariese Van der Merwe-grappe (gespeel deur Rob van Vuuren) en Reine speel die rol van sy verloofde dogter.

A photo posted by Reine Swart (@reineswart) on Sep 23, 2016 at 10:21am PDT

Gerti se roudiens word vandeesweek by Kleinkaap in Pretoria gehou. Reine het kort ná haar ouma se dood op Instagram nog ’n pragtige huldeblyk aan haar ouma gebring.

“Oumie Gerts – engel-klein-vroutjie, hart van goud – rus sag saam met Hom. Lief jou baie en ek sal probeer om nie te ‘korrel’ nie. Besonderse voorbeeld van elegansie, skoonheid en liefde. Tot ons weer mekaar sien, aangesig tot aangesig.”

Sy het die mooi woorde gedeel saam met ’n pragtige foto wat jare gelede van Gerti geneem is.

A photo posted by Reine Swart (@reineswarhttp://www.huisgenoot.com/?p=140503&preview=truet) on Oct 9, 2016 at 1:21am PDT

Suid-Afrikaanse wetgewing laat gevangenes toe om in uitsonderlike gevalle aansoek te doen dat die departement van korrektiewe dienste hulle na belangrike familiegeleenthede soos begrafnisse vergesel. Dit is in hierdie stadium nog onduidelik of Oscar by sy ouma se begrafnis gaan wees.

Die ma van ’n 7de Laan-aktrise kon Woensdag nie haar huis verlaat in die woonkompleks The Meadows in Moreletapark, Pretoria, waar ’n gyselaardrama afgespeel het nie.

Carina Nel (28), wat die rol van Alexa Welman in die sepie vertolk, se ma bly in dié sekuriteitskompleks waar vier mense gister in ’n nege uur lange gyselaardrama gesterf het.

“My ma-hulle is daar vasgevang,” het Carina Woensdagaand gedurende die drama oor WhatsApp gesê. “Hulle mag nie uit die huis uit gaan nie. Die ergste is ons ken al die sekuriteitswagte baie goed.”

Die vermeende skieter, Danie Small, is omstreeks 22:00 dood in sy huis gevind. Hy het glo drie ander inwoners doodgeskiet.

Die drama het glo begin ná Danie sy buurvrou met ’n klip gegooi het. Die vrou het toe die polisie ontbied. The Meadows se veiligheidsbestuurder, Edward Gobey, is vermoedelik saam met ’n sekuriteitswag soontoe om met Danie te gaan praat.

Volgens die inwoners het Danie met ’n jaggeweer van sy patio se dak vir Edward en die sekuriteitswag geskiet. Nog ’n persoon, wie se identiteit nog nie bekend is nie, is ook doodgeskiet.

“My ma mag glad nie uit haar huis gegaan het nie,” vertel Carina.

Huisgenoot het toevallig die dag voor die drama by Carina en haar ma gaan kuier. Die kompleks was vreedsaam met kinders wat op oop erwe gespeel het terwyl talle inwoners met honde rondgestap het.

“Dit is baie erg. Ek mag ook nie na haar toe gegaan het nie. Niemand mag die kompleks binnegegaan nie,” het sy gesê. Carina het nog nie op navrae gereageer oor hoe dit vandag met haar ma gaan nie.

Carina en haar verloofde, Deon Nagel (28), trou volgende Vrydag.

Proud New Home Owners!! Ons hou piekniek op die vloer!! #onshuisie #inlovewithhim #hoegeseendisonsnie #celebrating #champagne #sushi #niksmeubels

A photo posted by Carina Nel (@carinanel88) on Jun 22, 2016 at 10:38pm PDT

Uma Thurman en haar gewese verloofde, Arpad Busson, is op pad hof toe vir ’n toesigstryd oor hul dogter, Luna.

Uma Thurman (Foto: Jeff Grossman/WENN.com)

Die Hollywood-aktrise en haar eks is glo sedert 2014 in ’n regstryd gewikkel oor hul vierjarige dogter. Die sakeman is glo hof toe om gereelde toegang tot haar te verkry.

In September verlede jaar is ’n ooreenkoms gesluit, maar volgens Page Six, die New York Post se skinderblad, is daar “hernude spanning” tussen die twee, wat hulle nou verder oor hul dogter laat toutrek.

Page Six berig die hofdokumente dui aan die ekspaartjie sal dalk so vroeg as Desember in die hooggeregshof in Manhattan teen mekaar te staan kom.

Besonderhede oor die vorige ooreenkoms is nooit bekendgemaak nie, maar regter Matthew Cooper het ná die ondertekening gesê: “Albei partye het hard gewerk om ’n ooreenkoms te bereik wat in die beste belang van hul dogter is. Ek dink dis gedoen om een mens gelukkig te maak en daardie mens is Luna.”

Uma en Arpad, wat twee seuns by die supermodel Elle Macpherson het, het in 2007 begin uitgaan en in Junie 2008 verloof geraak. Hulle is in 2009 uitmekaar, maar het toe weer probeer voor hul paadjies in April 2014 finaal geskei het.

Arpad se prokureur, Peter Bronstein, het geen kommentaar gelewer toe Page Six hom kontak nie en Uma se woordvoerder het nog nie gereageer nie.

Uma het in 2012 die lewe geskenk aan Luna en die oë laat rek toe haar woordvoerder die kleinding se volle naam deel: Rosalind Arusha Arkadina Altalune Florence Thurman-Busson.

Uma het tydens ’n verskyning op die Tonight Show met Jimmy Fallon die redes agter die ongewone naam verduidelik.

“(My dogter) Maya het aan die beste verskoning daarvoor gedink – dat ek waarskynlik nie nog kinders gaan hê nie, so ek moet vir die baba elke naam gee waarvan ek hou.”

– Cover Media

Een van die destydse kletsprogram Maak ’n Las se vervaardigers is Donderdagaand dood.

Gert van der Walt het homself Donderdagaand in sy huis in Pretoria geskiet, berig Netwerk24.

Sy vrou, Maryna, was glo tydens die voorval by die huis.

Leon Beukes, wat saam met Gert aan Maak ’n Las gewerk het en deesdae in die Paarl woon, sê Gert was ’n dinamiese mens.

“Hy het ons baie geïnspireer as storie-verteller. Hy was baie lief vir stories vertel, selfs al het hy dit nooit op televisie gedoen nie,” sê Leon. Hy sê hy het sowat twee weke gelede nog met Gert gepraat, maar hy het hom lanklaas “in persoon” gesien.

“Maak ’n Las is lankal nie meer nie, so ons het nie meer so dikwels kontak gehad nie. Maar ek onthou om as ’n positiewe mens, ’n man met ’n plan wat altyd daar was vir ons.”

Hy beskryf Gert se dood as ’n “geweldige skok”. “Ek weet nie waarom, of wat die probleem was nie.”

Oor die afgelope paar jaar is talle van Maak ’n Las se medewerkers dood en Beeld het in 2009 al verwys na die “Maak ’n Las-vloek”.

Worsie Visser (35) sterf in 1998 in ’n vliegtuigongeluk. Die storieverteller Tolla van der Merwe (56) en Ollie Viljoen se vrou, Estelle (56), sterf in 2000 in ’n motorongeluk naby Middelburg.  Koos Meyer (79), die storieverteller wat in dieselfde ongeluk ernstig beseer is, sterf later in die Wilgers-hospitaal in Pretoria aan sy beserings.

Die skrywer en storieverteller Pieter Pieterse (65) word in 2002 in Marlothpark vermoor.

Deon van Zyl, ’n gaskunstenaar en die skrywer van Koos Meyer se biografie, sterf in 2006 in Centurion ná ’n hartoperasie.

Andries Krogman en Pyp de Villiers is ook al dood. Andries se vrou, Marcelle, is dood ná sy erge brandwonde opgedoen het. En Leon se vrou, Elize, het ook haar eie lewe geneem ná ’n stryd met kanker.

Maar oor dié “vloek” waarna daar so dikwels verwys word, sê Leon net dat dit sommer nonsens is.

“Dit is net ’n stigma. As jy kyk na die volume mense wat oor die jare aan Maak ’n Las gewerk het, is dit ’n geweldige klomp mense. Om alles te verbind met Maak ’n Las…? Dit (mense wat iets oorkom) gebeur in die breë spektrum.”

Hy meen die vewysing na een of ander “vloek” is sommer net “een of ander sensasie-ding”.

Gert het Maandag op Facebook ’n grappie gemaak oor die Springbokke en die #FeesMustFall-betogings. “Ietsie vir hierdie droewige week,” het geskryf.

Hy het dikwels op Facebook kommentaar gelewer oor nuusgebeure en sake van die land.

Brad Pitt is glo vir die eerste keer met sy kinders herenig nadat sy vervreemde vrou, Angelina Jolie, om ’n egskeiding aansoek gedoen het.

Die Wanted-aktrise het aanhangers op 19 September verstom toe sy by monde van haar prokureur, Robert Offer, sê sy wil haar huwelik van twee jaar vir “die welstand van haar gesin” beëindig.

Dit het daarna uitgekom die paartjie het glo gestry oor Brad se ouerskapstyl ná ’n voorval op 14 September met hul kinders op ’n privaat vlug uit Frankryk na Los Angeles. Dit het daartoe gelei dat die FBI en polisie in Los Angeles ’n ondersoek na kindermishandeling begin het.

Die vervreemde paartjie het verlede maand ’n tydelike toesigooreenkoms bereik en Angelina is volle toesig oor hul ses kinders toegestaan en Brad het besoekreg.

Die eerste van sy besoeke, wat deur ’n terapeut gemonitor is, was Saterdag. Brad het tyd saam met sy kinders deurgebring. Maar verskeie bronne het aan US Weekly en People.com gesê nie al die kinders wat teenwoordig vir die besoek nie.

Woordvoerders vir Angelina en Brad het nog nie kommentaar gelewer oor die besoek nie, maar die toesigooreenkoms sal later vandeesmaand hersien word.

As deel van die ooreenkoms sal albei sterre individuele berading kry, asook sessies saam met hul kinders en Brad sal lukraak dwelm- en alkoholtoetse ondergaan. Hy het onlangs vrywilliglik ’n soortgelyke toets ondergaan en het negatief vir albei getoets.

© Cover Media

Vrydag op die laaste skooldag van sommige matrieks in die land, het twee bekendes hul alma mater, die Hoërskool DF Malan in Bellville, besoek om die gr. 12’s moed in te praat vir die eindeksamen.

Die akteur Chris Vorster, bekend vir sy rol as Ryno Lategan in 7de Laan, het tien goed gesê wat hy gewens het hy op sy laaste matriekdag gehoor het.

1. As jy volgende jaar jou eie kos moet koop, is piesangs die beste waarde vir geld.

2. As jy uitgaan, vat altyd ‘n warm top saam; en as dit sonnig is, dra altyd sonskerm sodat jy nie op 40 ween as jy voor die spieël staan nie.

3. Julle gaan die een of ander tyd drink en té veel ook, of dit nou opsetlik is of nie. Kom nou al in die gewoonte om saam met elke glas drank ook ’n glas water te drink. Water is jou vriend.

4. Kyk na jou liggaam. Ek was mal daaroor om van goed af te spring toe ek in Wilgenhof-koshuis op Stellenbosch was. Op 30 begin ek toe met my voete sukkel en ná ek plate laat neem het, sê die dokter my voete lyk soos die van ‘n 70-jarige vrou s’n wat haar lewe lank op hoëhakskoene geloop het.

5. As een van die volgende goed jou hoofoorweging is om volgende jaar te gaan swot, oorweeg eerder ‘n oorbruggingsjaar: Ek wil regte gaan studeer, want meisies hou van prokureurs; ek gaan ingenieurswese doen, want my kêrel studeer dit; ek wil ‘n rekenmeester word, want hulle maak baie geld.

6. Geluk en sukses. Ek wens iemand het vir my verduidelik wat sukses is. Is geld sukses? Nee, sukses is geluk. So eenvoudig soos dit. Dis waarna jy moet streef. Nie die Kardashian-soort nie, maar dit wat jou laat uitsien om in die oggend op te staan.

7. Ouens, jy dink dalk dis indrukwekkend om jou beenhare te skeer, maar in my opinie as jou bene gladder is as jou meisie s’n, is jou prioriteite as man verkeerd; meisies hou nie van ouens wat mooier is as hulle nie.

8. Lees. My meisie, wat nou my vrou is, moes my handboeke op universiteit vir my hardop lees. Ek het dekades se kennis en genot gemis omdat ek nie gelees het nie. Los die TV en selfone. Lees maak jou ‘n slimmer, ryker en meer gebalaneerde mens.

9. Ek wens iemand het my aan die einde van matriek vertel hoe lank alles gaan neem. Krisisse gebeur baie vinnig; maar al die goeie dinge in die lewe neem lank. Wees geduldig. Die grootste foute in my lewe was oor oorhaastige besluite en ongeduldigheid.

10. Julle besef nie hoe lief jul ouers julle het nie. Jul ouers wil hê julle moet suksesvol en gelukkig wees. Ek het jare later eers besef watter opofferings my ouers gemaak het.

Chris het bewoë geraak en sy ma, wat ook daar was, na die mikrofoon geroep. “Dankie, Mamma,” het hy gesê en haar ’n drukkie gegee.

Sy slotwoorde? “Moenie aanmekaar praat nie. Luister, lees en lag. Dis die sleutels tot sukses en geluk.”

Hunter Kennedy van Die Heuwels Fantasties en Fokofpolisiekar het die woorde van een van die liedjies wat hy help skryf het, voorgelees:

Grense is lyne op padkaarte en breine
mense is gedagtes met gesigsuitdrukkings
jou taal is klanke wat jou vriende maak

Waar jy groot geword het bestaan nie meer nie
verlore kinders moet loop en leer en werk om van verlede en ontdekkingslus
te bekeer

grense verdedig hart en land
maar hart is hart

en
land is land
en
Afrikaans is Afrikaans
maak nie saak waar in die wêreld jy jouself bevind nie

orals op die verkeerde paaie
ry duur motors
met moeë gesigte
onderdeur bang lamppale
wat op gefrustreerde doodloopstrate skyn
met hartseer bankkaarte
wat by leë banktellers na genade vry
en deurmekaar selfone wat langdradig kopsere wakker lui
lewe ons verby sinister advertensie borde
en senutergende koerantopskrifte
en mekaar

oral
verveelde TV’s
wat hartseer bangmaak-beelde flikker
op oorgewig sitkamerstelle
bou ons verleë aan hoop
om eendag hier iewers
’n prentjie mooi huis by die bank te kan koop

in die druk verkeer
en die briesende wind
wat die diepsee wolke se moordneigende reën
oor die kense skiereiland se versadigde lokasies spoeg
besef ek dat ons net sotte in ’n resies is
wat versot verbymekaar spronge tree
Ons is maar pens en pootjies
en ons maak net meer
oor die langtermyn stel ons net teleur

Ons is maar wild
Verwilderde goed
Wat die waarheid
In die wildernis soek

Wat ek soek
Kan nie aan my verkoop word nie
Wat ek soek is verniet

Dis om huis toe te wil kom
dis om ’n koue bier te geniet
en die mooi dag in sy moer te stuur

dis om veilig binne te kan wees as die wind hard huil
en die koue reën daar buite is

dis om te weet dat daar mense is wat jou sal af help
as jy op jou perdjie spring
en jou sal op help as jy aanjaag
en uit laat as jy wil verken

dis om uit jou buik uit te kan lag en dit te bedoel
dis om te weet wat jy soek
dis om te sing tot dit pyn
en te kan huil voor jou vriende

dis om te dink jy weet wie jy is
en te aanvaar dat jy meeste van die tyd
die pot mis sit

laat hy val waar hy wil
jou land is waar die son opkom en weer gaan sak

Ons is ruimtevaarders, automechanics, drop-outs
en dokters
Ons is strokiesprenthelde, boggerops, seuns en dogters
Ons is miljoenêrs en presidente, rockers en rugbyspelers, gelowiges en besetenes

Ons almal is

mense het hul grense self uitgedink

Baie sterkte aan al die matrieks van 2016 met hul eindeksamen!

Luidens berigte het Selena Gomez by ’n rehabilitasiesentrum in Tennessee geregistreer om kwessies rakende haar stryd teen lupus te behandel.

Die sangeres van Come & Get It, by wie die outo-immuunsiekte in 2014 gediagnoseer is, het in Augustus vanjaar aangekondig sy neem ’n onbepaalde blaaskans van haar wêreldtoer ten einde daarop te fokus om gesond te word.

Sy het sedertdien uit die kollig gebly, maar verlede Saterdag is sy opgemerk toe sy bewonderaars in Alcia, Tennessee, groet terwyl sy, haar ma en stiefpa in die Texas Roadhouse-restaurant eet.

Verskeie bronne het aan US Weekly gesê Selena het tyd deurgebring in ’n privaat behandelingsgerief buite Nashville, waar sy probeer om die angs, paniekaanvalle en depressie te bowe te kom waaraan sy ly as gevolg van haar stryd teen lupus.

“Selena gee aandag aan lupus, maar hierdie wegbreek is om op haar geestesgesondheid te fokus,” het een van die ingeligte bronne aan die tydskrif vertel. “Haar gemoed kan baie donker raak.”

A photo posted by Selena Gomez (@selenagomez) on Nov 8, 2015 at 12:34pm PST

Die besoek aan die rehabilitasiesentrum is haar tweede ronde van behandeling. Sy het in 2014 ’n toer na Australië kortgeknip en by The Meadows in Arizona geregistreer ten einde professionele sorg te kry en chemoterapie te ondergaan.

Selena het eers in Oktober verlede jaar haar geheime geveg vir haar gesondheid onthul tydens die uitreiking van haar album Revival.

’n Verteenwoordiger van die voormalige Disney-ster het nog nie kommentaar gelewer op die rehabilitasie-nuus nie, maar dit lyk asof Selena (24) emosioneel beter daaraan toe is nadat sy tyd saam met haar familie deurgebring het.

Sy is verlede Sondag saam met haar grootouers by die Riverstone-restaurant in Townsend, Tennessee, opgemerk terwyl hulle ontbyt geniet het en dit het voorgekom asof sy in ’n goeie luim is.

“Sy het tydens die etery baie saam met hulle gelag,” beweer ’n ooggetuie. “Sy het gelukkig en ontspanne gelyk.”

© Cover Media

Die akteur David Arquette gaan weer pa word.

Die ster van Scream en sy vrou, Christina McLarty, het aangekondig hulle verwag ’n seuntjie.

“Ek voel so ongelooflik geseën en geëer dat my vrou @christinaarquette swanger is met ’n seuntjie!” het hy op Instagram geskryf. “Dankie, Christina. Ek is so dankbaar teenoor God vir hierdie ongelooflike geskenk! Charlie en Coco is baie opgewonde en ek is in die wolke!”

So incredibly blessed and honored that my wife @christinaarquette is pregnant with a baby boy! Thank you Christina and humbled gratitude to G-D for this tremendous gift! Charlie and Coco are so excited and I am over the moon!!!

A video posted by David Arquette (@davidarquette) on Oct 12, 2016 at 5:58pm PDT

Die boodskap is gedeel saam met ’n video van die paartjie se tweejarige seun, Charlie West Arquette, wat ’n sonogram soen en “haai” vir sy ongebore bababoetie sê.

Dis David en Christina, wat verlede jaar afgehaak het, se tweede kind. Die akteur het ook ’n 12-jarige dogter, Coco, uit sy eerste huwelik met die aktrise Courteney Cox. Die paartjie is in 2013 geskei nadat hulle drie jaar lank nie meer saam gewoon het nie. Courteney is nou verloof aan Johnny McDaid van die musiekgroep Snow Patrol.

Die goeie nuus kom ’n maand ná David se suster, Alexis, se dood. Die transgender aktrise en aktivis is op 11 September in die ouderdom van 47 jaar dood.

“Sy was op die voorpunt in die stryd om begrip en aanvaarding vir alle trans-mense te skep,” het ’n verklaring van die familie ná haar dood gelui.

“Sy’t haar werklikheid met mening uitgeleef in ’n wêreld waar dit gevaarlik is om ’n trans-mens te wees – ’n wêreld wat grotendeels nie reg is om verskille onder mense te aanvaar nie en waar daar nog die onreg van geweld en vyandigheid is teenoor mense wat ons dalk nie verstaan nie.

“Soos Alexis die oorgang na vrou-wees gemaak het, het sy ons verdraagsaamheid en aanvaarding geleer. En soos sy deur die proses gegaan het, het sy ons suster geword en ons geleer wat ware liefde is. Dankie aan almal vir jul liefde en mooi woorde oor Alexis,” het David – wat by sy suster was toe sy sterf – op Twitter geskryf.

“Sy’s vir altyd my held.”

© Cover Media

Ag nee! Is dit waar? Die plaaslike akteurspaar Anel en James Alexander het Suid-Afrika vir Amerika verruil.

With Workers Day just gone by, here is a cause the Alexanders are very passionate about: Creating better working conditions and contracts for all actors in SA. And the organization at the head of this fight is the South African Guild of Actors. To all actors out there, if you want to be part of creating lasting change in an industry we all love, become a member of SAGA and show us your card! The only way we can achieve lasting change is through standing together. #BetheChange #SAGA

A photo posted by Anel Alexander (@anelalexander1) on May 3, 2016 at 2:39am PDT

Anel het gister die nuus op Facebook en in haar heel eerste blog op haar webtuiste bekendgemaak. Hierin vertel die Sink-aktrise dat sy, haar man, James, en hul hondekinders Los Angeles toe verhuis het. “Diegene na aan ons weet die besluit is nie oornag geneem nie,” skryf sy.

“Dit het drie, vier jaar se beplanning, besluitneming, opoffering, baie werk, prokureursonkoste en baie tyd en inspanning geverg om dit te laat gebeur.”

The Alexanders rocking the ‘blue’ carpet at our #SinkMovie premiere last week. @prince_ginger looking dapper in his @tigerofswedensa suit and I’m still dreaming of my @kobusrautenbach gown! Jewellery by @jennaclifford_sa, hairstyling and make-up by @adelle_jung, nails by #UrbanBlissSpa and hair colour by @boyd_sa from @carltonhairsa

A photo posted by Anel Alexander (@anelalexander1) on Mar 14, 2016 at 11:18pm PDT

Hulle het in April vanjaar hul groenkaarte vir Amerika gekry en sowat ’n maand later besluit om hul lewe op te pak en oorsee te verhuis, verduidelik Anel.

“Ek kan nou al hoor hoe julle vra (soos die oulike Afrikaanse meisie wat ons by die O.R. Tambo-lughawe ingeboek het): ‘Hoekom? Hoekom trek julle? Wat van die Suid-Afrikaanse vermaakbedryf?’ Maar ironies genoeg is dit presies hoekom ons weggaan, sodat ons kan aanhou tot die Suid-Afrikaanse bedryf bydra,” skryf sy.

“Ons het nie sterre in ons oë nie,” sê Anel. “Ons verwag nie Steven Spielberg gaan in ’n restaurant ons trompop loop en in sy volgende fliek sit nie.” Maar hulle was die afgelope drie jaar twee keer in Los Angeles en het hul navorsing behoorlik gedoen.

“Ons het baie vriende hier wat onskatbare raad aangebied het en deur wie se ervarings ons geleer en gesien het hoe moeilik dit is om ’n akteur in Los Angeles te wees. Ja, daar is baie meer geleenthede hier, maar daar is ook baie meer mense wat baklei vir dié geleenthede,” skryf sy in haar blog.

“Ons is lief vir Suid-Afrika. Ons familie en vriende is daar en ons sal altyd terugkom. Wie weet, selfs dalk gouer, aangesien ons niks het om aan enigiemand te bewys nie en ons te oud is om goed te doen wat ons ongelukkig maak. Maar vir nou het ons afgesit op ’n nuwe avontuur.”

Talle bekendes in die plaaslike vermaakbedryf, waaronder Die Boekklub-akteur Armand Aucamp het die paartjie op Facebook gelukgewens met die nuus. “Baie, baie seën vir julle twee!” het die Modder en Bloed-aktrise Barbara-Marie Immelman op Facebook geskryf. Sy kan skaars wag om Anel en James op die rooi tapyt daar te sien. Ons ook. Ons hou saam duim vas vir julle twee.

Francois van Coke het dit al dikwels teëgekom dat sy aanhangers tatoeëermerke het wat deur sy musiek en lirieke geïnspireer is.

“Altyd ’n weird gevoel,” het hy verlede week by ’n Instagram-foto van ’n aanhanger se tatoe geskryf. Die tatoe is ’n prentjie van Francois, maar sy oë is deur televisieskerms vervang.

“Ons oë is vervang deur skerms en ons siele met prentjies van die see,” het Francois die lirieke van die rockgroep Fokofpolisiekar se liedjie “Lugsteuring” aangehaal.

Dié tatoe is deur Monique Niewoudt op Elizabeth Anne Smith aangebring, het Francois op Instagram gesê.

Altyd ‘n weird gevoel. #fantattoos #fanart Ons oë is vervang met skerms en ons siele met prentjies van die see. #fokoflyrics #hunterkennedy Tattoo deur Monique Nieuwoudt op Elizabeth Anne Smith

A photo posted by Francois van Coke (@francoisvancoke) on Sep 28, 2016 at 10:49pm PDT

Een van Francois se ander liedjies, Staan Terug vir Niemand Nie, is ook op ’n aanhanger se rug verewig.

Staan terug vir niemand nie. Behoort aan niemand nie #fantattoos

A photo posted by Francois van Coke (@francoisvancoke) on Aug 15, 2016 at 11:41pm PDT

En op dié aanhanger se arm.

Fan tattoos #behoortaanniemandnie

A photo posted by Francois van Coke (@francoisvancoke) on Feb 25, 2016 at 10:11pm PST

En net so is die lirieke van die Van Coke Kartel-treffer Tot die Son Uitkom op iemand se arm verewig.

Kom ons wag tot die son uitkom #fantattoos

A photo posted by Francois van Coke (@francoisvancoke) on Aug 4, 2016 at 1:51am PDT

Ook op die fotograaf Jurie Neethling se arm. “In my eie handskrif nogal,” het Francois by ’n foto van die tatoe geskryf.

Ek voel baie bevoorreg dat my lirieke uit #totdiesonuitkom op @dievetman se arm getattoo is!

A photo posted by Francois van Coke (@francoisvancoke) on Jul 22, 2016 at 12:09am PDT

“My een arm is net vol band tattoos en hou verband met bands,” sê Jurie. “Ek het besluit ek kort dalk ook ’n bietjie Afrikaanse woorde.”

Jurie neem dikwels musiekgroepe se optredes af en ken Francois goed.

Hy het die tatoe sowat twee maande gelede gekry toe hy saam met ’n vriend by ’n tatoewinkel was. “Ek het toe vir Francois ge-WhatsApp en gevra om vir my die lirieke neer te skryf.”

En sommer net so is die woorde “As dit klank is waarna jy soek dink ek jy’s op die regte plek” op sy regtervoorarm aangebring.

Jurie het ook ’n tatoe van ’n kreef met die woorde “Eet kreef”, soortgelyk aan die omslag van Johannes Kerkorrel se eerste ateljee-album op die agterkant van sy bobeen laat aanbring.

’n Foto van Francois wat besig is met ’n optrede is ook al in ink aangebring. “Pierre Visser het my op hom ge-tattoo. Sjo bro, dit is ’n moerse kompliment,” het Francois by ’n foto van die tatoe geskryf.

Pierre Visser het my op hom getattoo. Sjoe bro, dit is ‘m moerse kompliment.

A photo posted by Francois van Coke (@francoisvancoke) on Jul 20, 2015 at 10:33pm PDT

Liesl Beautain se tatoe is deur die tekeninge in Francois se solo-album geïnspireer.

Eerste tattoo wat ek sien uit my solo album se album art. Dit is op Liesl Beautain se lyf. Well done! #waardaarnwilis Design deur @merwemarchand

A photo posted by Francois van Coke (@francoisvancoke) on Jun 4, 2015 at 12:56am PDT

Aanhangers van die rockgroep Fokofpolisiekar verewig ook soms die lirieke van hul gunstelingliedjies op hul lyf.

Divan Hanekom het die FOKOF spirit #spiritoffokof #fantattoos #tinytown

A photo posted by Fokofpolisiekar (@fokofpolisiekar) on Aug 7, 2016 at 10:46pm PDT

Dedicated fans in @innibos // ‘soet slaap sonder sonde’ #tattoo

A photo posted by Fokofpolisiekar (@fokofpolisiekar) on Jul 2, 2016 at 1:00am PDT

Maar dis nie net Francois van Coke en Fokofpolisiekar wie se aanhangers so sterk voel oor hul kuns nie. Een van die sanger en televisie-aanbieder Bouwer Bosch se gedigte is ook al deur ’n aanhanger permanent gemaak.

Wanneer iemand ‘n tattoo van jou lirieke kry. Hierdie is ‘n uittreksel uit my gedig oor #God #Humbled @stevington_ jou champion!

A photo posted by Bouwer Bosch (@bouwerbosch) on Oct 28, 2015 at 2:01am PDT

Die aktrise Olivia Wilde en haar verloofde, die komediant Jason Sudeikis, het weer ouers geword.

Foto: Cover Media

Die Hollywood-paartjie se babadogtertjie, Daisy, is Dinsdag gebore – wat ook International Day of the Girl Child – ’n informele vakansiedag van die filantropiese organisasie United Nations Women was.

Olivia het Saterdag op Instagram die opwindende nuus gedeel met ’n oulike foto van die pasgebore baba en daarby geskryf: “Gee pad voor! Daisy Josephine Sudeikis. Gebore, soos ’n baas, op #internationaldayofthegirl.”

There goes the neighborhood. Daisy Josephine Sudeikis. Born, like a boss, on #internationaldayofthegirl. ❤️

A photo posted by Olivia Wilde (@oliviawilde) on Oct 15, 2016 at 12:24pm PDT

In die eerste foto wat Olivia van haar en Jason se dogter gedeel het, lê die kleinding in die middel van ’n reuse sagte skaap-kussing. Daisy se ouboet is die paartjie se tweejarige seun, Otis.

Olivia het verlede maand verklap sy verwag ’n dogter in ’n politieke twiet wat na die Amerikaanse presidentsveldtog verwys het.

Die Demokratiese Party se kandidaat Hillary Clinton kom te staan teen die Republikeinse Party se Donald Trump om Amerika se volgende president te word en Olivia het dit duidelik gemaak sy steun die voormalige presidentsvrou.

“As iemand wat binnekort ’n dogter gaan hê, tref hierdie my diep. #NeverTrump,” het Olivia getwiet in ’n boodskap wat ’n skakel bevat het na ’n veldtogvideo wat Hillary aanlyn gedeel het.

In die video reageer meisies op van die beledigings stellings wat Donald oor vroue gemaak het. Die video sluit af met die vraag: “Is dit die president wat ons vir ons dogters wil hê?”

Dit lyk of Olivia meer van ’n stryd gehad het met haar tweede swangerskap as haar eerste – sy het voor haar twiet teen Trump op Twitter gekap na passassiers op die trein wat nie vir haar ’n sitplek aangebied het nie.

© Cover Media

Die breinvliesgewas wat die aktrise en komediant Marion Holm se sig beïnvloed het, is nie kwaadaardig nie.

“Toetsuitslae het bevestig dat dit nie kanker is nie,” het Marion se agent Nelius Ferreira in ’n verklaring gesê wat ook op haar Facebookblad gedeel is. “Dit gaan baie goed met Marion en die herstelproses na die operasie moet nou sy loop neem.”

Marion, wat dikwels gehore vermaak met haar eenvrou-vertonings en ook te sien was in die kykNET-televisiereeks Vlug na Egipte, het verlede week vir ’n operasie gegaan sodat dié breinvliesgewas verwyder kon word.

Sy het in ’n lang Facebook-inskrywings aan haar aanhangers en vriende verduidelik waarom sy haar vertonings vir die volgende paar maande moes kanselleer.

“Ek het gegaan vir ’n oogtoets om ’n nuwe bril te kry, omdat my linkeroog so verswak het. Toe stuur die optometris my na ’n oogspesialis en die stuur my vir ’n MRI en daar sien ons toe ek het ’n ‘meningioma’. Dis die Engelse woord wat in Afrikaans beteken ek het ’n breinvliestumor wat op die senuwee en bloedtoevoer van my linkeroog druk,” het Marion in haar Facebook-inskrywing verduideik.

Sy het ook verduidelik waarom sy vroeër vanjaar ook van haar optredes moes kanselleer: “Ek het borskanker gehad. Maar dit was so klein en so vroeg opgetel, dat dit net uitgesny is en ek net bestraling gekry het. Ek het nie ’n mastektomie gehad nie en ek het nie chemoterapie gekry nie. Ek voel dus net dankbaarheid. Dankie Vader, dankie, dankie, dankie.”

Marion se aanhangers en vriende het aangehou om haar op sosiale media sterkte toe te wens. Hulle is ook baie verlig oor die dat die breinvliestumor nié kanker is nie.

“Wonderlike nuus!! Gou gesond word, Marion,” het ene Donna Tolken op Marion se Facebookblad geskryf. Marion is vir “drie maande afgeboek” om te herstel.

Nelius sê Marion se aanhnagers kan haar vroeg volgende jaar weer op die verhoog verwag met ’n nuwe vertoning.

Die voormalige sokkerster Mark Fish se pa, Malcolm, is Maandagoggend oorlede. Mark se eksvrou, Loui Fish, het ’n roerende boodskap vir haar voormalige skoonpa op die sosiale netwerke Facebook en Instagram gedeel.

Please pray for my father in law Malcolm , he is not doing soo well, always in good spirits, but health wise not so sure #realBigFeeesh #Getwellsoon #loveu2bits

A photo posted by @miss_loui_fish on Oct 12, 2016 at 7:07am PDT

“Ek skryf dié inskrywing met ’n baie swaar hart,” het sy op Facebook vertel. “My skoonpa, Malcolm Fish, is vanoggend na ’n kort siekbed oorlede. Ek is so dankbaar vir die tyd wat ons oor Desember saam spandeer het. Die eindelose gesprekke wat jy met (haar en Mark se seuns) Luke en Zeke oor sokker gehad het en hoeveel hulle dit geniet het om die vakansie met jou te spandeer. Selfs in jou hospitaalbed verlede week het jy altyd tyd gehad vir ’n grappie. Jy gaan baie gemis word. Ons is baie lief vir jou,” het sy geskryf.

It is with a very heavy heart that I'm writing this post. My father in law Malcolm Fish passed away this morning after a short sick bed. I'm so grateful for the time we spend together over December. The endless conversations you had with Luke and Zeke about football and how much they enjoyed spending the holiday with you. Even in your hospital bed last week, u always had time for a little joke. You will be very much missed, love you very much. I know u sitting there with a big smile with Petro. Rest in peace Dad, Loui,Luke and Zeke

A photo posted by @miss_loui_fish on Oct 16, 2016 at 10:25pm PDT

Malcolm het in die Strand buite Kaapstad gewoon. Loui het by navraag gesê Malcolm, ’n pensioenaris wat onlangs weer as drywer gewerk het, het verlede Donderdag net “inmekaar gesak”.

“Hy is in ’n hospitaal in Somerset Wes opgeneem en toe Sondag oorgeskuif na Tygerberg-hospitaal. Ek weet nie wat hom makeer het nie. Hulle het na ’n maagseer gekyk en sou nog toetse doen. Hy is toe vanoggend half een in die hospitaal oorlede.”

Loui se eksman, Mark, het Donderdagaand afgevlieg om sy pa te besoek. Die twee was lank vervreem. Hulle het verlede jaar herenig danksy Loui, die ma van Mark se seuns, Luke (18) en Zeke (15). “Ek het hulle laas jaar weer bymekaar gebring na 17 jaar,” vertel Loui, wat deesdae in Durbanville in Kaapstad woon.

“Mark het laas September afgekom. Ek het hom na sy pa geneem. Malcolm het Desember by my en die kinders in die Kaap gekuier. Desember of Januarie was hy na Mark toe,” vertel sy.

“Dis vir my belangrik dat my kinders hul oupa ken. Ek het een keer elke week of elke tweede week met hom gepraat, nes met Mark se ma (Denise). Ek het van Mark geskei, nie van die res van die familie nie…”

Die sanger Steve Hofmeyr se vrou, Janine, sê sy het nou genoeg gehad van “swangerskap-grappies”.

Die donkerkop het verlede Woensdag haar misnoeë op Facebook te kenne gegee toe sy ’n prentjie van ’n gesiggie met ’n onderstebo-duim met haar aanhanger gedeel het.

“Gaan iets oorkom as ek nog een swangerskap-grappie sien! Dis regtig nie snaaks nie,” het sy by die prentjie geskryf.

Haar ondersteuners en aanhangers het dadelik bemoedigende woorde gedeel en gesê sy moet haar nie aan “onsensitiewe” mense steur nie.

“Wanneer die tyd reg is, gaan jy swanger word. God se tyd is die perfekte tyd. Sterkte,” het ene Annemarie Kemp, een van Janine se Facebook-aanhangers, haar moed in gepraat.

“Swak smaak as jy my vra!” het Corrie Pretorius Venter weer laat hoor.

“Hou jou kop hoog en steur jou nie aan die klomp nie. Dit het niks met ander mense te doen nie,” het Vida du Toit geskryf.

Nuusbronne het verlede jaar berig dat Steve graag weer sal wil pa word. “Dit vat wel ’n bietjie langer om swanger te raak as wat ons gedink het. Maar ons het albei gegaan vir toetse en ons is vrugbaar en reg vir ’n kind,” het die sanger aan Netwerk24 gesê.

“Baie dankie vir die gelukwense, maar nee, ek is ongelukkig nog nie swanger nie. Net Rapport wat weer slinks was met hulle misleidende plakkate. Maar ons hoop daars goeie nuus sommer baie binnekort,” het Janine kort ná die onderhoud op haar Facebookblad geskryf.

Steve en Janine is in 2014 getroud. Dis nie duidelik wat haar genoop het om die onlangse inskrywing op Facebook te maak nie.

A photo posted by Steve Hofmeyr (@steve.hofmeyr) on Feb 5, 2016 at 1:30am PST

Die sanger Elvis Blue het sy aanhangers bekommerd gehad toe hy ‘n foto van homself met ‘n suurstofmasker in ‘n hospitaal op Instagram geplaas het.

Maar hulle kan gerus wees – Elvis is 100%.

Tussen verskeie optredes deur het Elvis ‘n vinnige draai in ‘n Johannesburgse hospitaal gemaak omdat hy ‘n griep gehad het wat net nie wou wyk nie, het sy betuurder, Kona Brown, aan Huisgenoot gesê.

“Elvis sukkel al ‘n rukkie met griep wat net nie wou beter word nie. Hy het twee optredes gehad die afgelope naweek agter die rug en het nog ‘n verdere 35 optredes om te doen voor die einde van die jaar.

“Na ‘n optrede in Bloemfontein verlede week, het hy toe besluit om vinnig hospitaal toe te gaan,” sê sy.

Daar het hy bietjie kortisoon en suurstof gekry om hom (en sy stem) weer ‘n hupstoot te gee.

“Elvis is baie beter nou en die show gaan steeds aan!” verseker Kona.

Luke…. I am your father!!!! #nofun #novoice

A photo posted by Elvis Blue (@elvisbluemusic) on Oct 14, 2016 at 3:09pm PDT

Die rocker Nicholis Louw het die week trots met sy donker krulkop engeltjie, Miané, op sosiale media gespog.

’n Mens kan byna nie glo hoe groot Nicholis (37) en sy blonde vroulief Denise (29) se eersteling geword het nie. Sy is sowaar al ’n jaar en twee maande oud.

“Daddy loves his Baby! #daddy #daddysgirl #daddyslittlegirl #daddyisarocker #love #holylove #daddyslittleprincess #daddyslittleangel,” het dié raakvat-pa Sondag op sy Instagram- met drie gesiggies met hartjie-ogies geskryf.

A photo posted by Nicholis Louw (@nicholis_louw) on Oct 16, 2016 at 3:19pm PDT

Nicholis het Maandag aan Huisgenoot vertel om die eerste keer pa te word was byna soos “bomskok”. Hy het wel gou die pajama drills gewoond geraak.

“Ek raak net liewer en liewer vir haar by die dag,” het Nicholis oor sy prinsessie geswymel. “Ek meen, dit is ‘n wonderwerk, die klein regte mensie. Elke asempie wat sy neem. Saans as ons gaan slaap dan sit ek net eers my hand saggies op haar ruggie om te voel hoe sy asemhaal.”

Die Ek Wil My Baby Hê Vanaand-sanger sê hy en Denise, wat 20 Julie 2014 getroud is, geniet elke klein dingetjie wat hul dogtertjie doen en leer.

A photo posted by Nicholis Louw (@nicholis_louw) on May 7, 2016 at 1:40pm PDT

“Miané leer nou hoe om ‘n mens skrik te maak. Sy geniet dit net so om skrikgemaak te word – dan skaterlag sy.”

Huisgenoot het verlede jaar berig die egpaar is op hul knieë gedwing toe Miané ná ’n noodkeisersnee 24 dae lank in die hoësorgeenheid moes deurbring nadat sy nege weke te vroeg op 20 Augustus gebore is.

A photo posted by Nicholis Louw (@nicholis_louw) on Nov 19, 2015 at 11:51am PST

Die wonderwerkie was met haar geboorte byna so groot soos haar pappa se hand. Nicoholis het met Miané se tuiskoms in Centurion vertel die beste deel van pa-wees is om “daardie klein lyfie vas te hou”.

Lees ook: Nicholis Louw verklap die nuus van eersteling se geboorte

En dit is klaarblyklik steeds die geval!

Sjoe! As hy nog nie het nie kan die veelsydige Bok-speler Francois Hougaard (28) gerus by Speedo aanklop vir ’n modelkontrak.

Sy meisie, Annebelle van Heerden (23), het haar aantreklike kêrel die afgelope naweek tydens ’n luilekker swembaddag gekiek en ’n foto van hom in ’n klein Speedo gedeel. “My hart! #naweek #gehaltetyd #familiebraai,” het die skoonheid by die foto van haar liefie en ’n klein rakker langs hom geskryf.

‘n Luilekker dag vir die manne! Foto: Instagram, Annebell van Heerden

“Ons het in Augustus (2015) begin uitgaan,” het Annebell vroeër aan Huisgenoot vertel. “Ons het mekaar in ’n vriend se restaurant in Pretoria ontmoet. Ek het natuurlik geweet wie hy is, maar ek het hom nie persoonlik geken nie,” het sy verklap. ’n Vriend het hulle aan mekaar voorgestel en hulle het dadelik gekliek.

En dit lyk of dinge baie goed gaan tussen dié tweetjies . . . Die paartjie straal behoorlik op die foto’s wat hul op die sosiale media deel.

It's never easy to say goodbye Missing my beautiful lady @annebellvheerden

A photo posted by Francois Hougaard (@francoishougaard_) on Oct 17, 2016 at 8:49am PDT

Happy Birthday my love ❤️ I hope you have a beautiful day today. I wish I was with you to celebrate & spoil you today. You deserve the best baba!! I love you ❤️ @annebellvheerden

A video posted by Francois Hougaard (@francoishougaard_) on Aug 12, 2016 at 5:53am PDT

Had the best week with my love 🦁

A photo posted by Francois Hougaard (@francoishougaard_) on Jul 17, 2016 at 10:52am PDT

❤️ @annebellvheerden

A photo posted by Francois Hougaard (@francoishougaard_) on Jul 4, 2016 at 10:14am PDT

Reminiscing… Thank you for the best almost 13 months❤️

A video posted by Annebell (@annebellvheerden) on Sep 1, 2016 at 9:05am PDT

Maandagoggend het sy nog ‘n Instagram-foto met van ‘n hartjievormige ring gedeel met die byskrif Maandagoggend-‘blues‘.

Dinsdag het die nuus egter gebreek dat die bekende juwelier vir die sterre, Jennifer Meyer, en haar baie bekende man, Tobey Maguire van van Spiderman-faam, se paaie uiteen gaan.

A photo posted by J E N N I F E R M E Y E R (@jenmeyerjewelry) on Oct 17, 2016 at 7:55am PDT

Die paartjie het saam ‘n verklaring uitgereik waarin hulle bevestig dat hulle na baie oorweging en sielsondersoek besluit het om nie langer saam te wees nie.

“As toegewyde ouers bly ons kinders ons eerste prioriteit en ons sal hulle saam met volgehoue liefde, respek en vriendskap grootmaak.”

Die 41-jarige Tobey en Jennifer (39) het twee kinders: Ruby (9) en Otis (7)

A photo posted by J E N N I F E R M E Y E R (@jenmeyerjewelry) on May 21, 2016 at 1:19pm PDT

Hulle het vroeg in 2003 mekaar ontmoet. Vier jaar later is hulle tydens ‘n intieme geleentheid in Hawaii getroud met net ‘n klein groepie vriende en familie teenwoordig.

Jennifer het destyds gesê dat dit absoluut die beste tyd van haar lewe is. “Ek is in die wolke. Ek gaan trou, ‘n gesin begin en ek het ‘n ongelooflike maatskappy.”

Haar ontwerpe word deur mense soos Jennifer Aniston, Drew Barrymore en Blake Lively gedra.

Tobey, wat glo onder moeilike omstandighede grootgeword het, het erken dat stabiliteit een van die groot prioriteite in sy lewe is.

“Weens die manier waarop ek grootgeword het, het ek ernstige ambisies gekoester om geld te maak, sekuriteit en gerief in my lewe te hê,” het hy in 2007 aan Parade-tydskrif gesê.

Tobey se laaste verskyning op die silwerdoek was as die skaakmeester Bobby Fisher in “Pawn Sacrifice” in 2014.

Bronne: people.com, pagesix.com