Riaan Manser en Vasti Geldenhuys is ’n paartjie wat die afgelope paar jaar bewys het dat geen avontuur té groot of té skrikwekkend is om aan te pak nie.

Deur die jare het die twee se lewensverhaal mense se verbeelding aangegryp. Riaan was die eerste avonturier om met ’n fiets om Afrika te ry en met ’n kajak om Madagaskar en Ysland te seil.

Die twee het in 1999 ontmoet maar Vasti sou eers in 2013 eerstehands uitvind in watter lewensgevaar haar geliefde hom so gereeld bevind toe hy vir haar New York gaan “wys”. Sy moes saam met hom roei om daar te kom.

Hul laaste uitmergelende avontuur was hul wittebrood – maar ’n wittebrood met ’n baie groot kinkel. Die spane is weer nadergehark en die twee moes dié keer met Honeymoon die 4 000 km vanaf San Fransisco na Hawaii roei.

Nou lê die derde – en gewis die grootste, lekkerste en uitdagendste – uitdaging vir die twee voor: ouerskap!

Riaan het skertsend op Twitter aangekondig dat Vasti vanweë al die regte redes nie vanjaar die uitmergelende Cape Epic-bergfietsren saam met hom kon doen nie omdat hulle in Oktober drie Mansers in die huis gaan wees.

Sy spanmaat vir die epiese kompetisie is Denzyl O’Donoghue.

Party mense probeer hul sproete met alle mag en geweld met rome verbloem. Ander span selfs  laserbehandeling in om daarvan ontslae te raak.

Foto: Ivan Nikolov/WENN.com

Maar vir prins Harry se nooi, Meghan Markle (35), is daar geen groter irritasie as wanneer hulle haar sproete deur digitale manipulasie van foto’s af verwyder nie.

Die pragtige donkerkop het aan Allure vertel hoe moeilik dit vir haar was om op universiteit gekonfronteer te word met die gevoel dat sy te lig vir ’n swart gemeenskap was en te gemeng vir ’n wit gemeenskap.

Wanneer sy vir oudisies gegaan het, is sy as “etnies dubbelsinnig” geëtiketteer. “Was ek Latyns, Sefardi, ‘eksoties Kaukasies’?

“Voeg sproete by alles en dit kan groot verwarring afgee. Tot vandag toe haat ek dit as my vel se skakering in ’n fotosessie verander en my sproete uitgehaal word.”

Meghan, wat bekend geword het vir haar rol as Rachel Zane in die televisiereeks Suits, se ma is swart en haar pa wit.

Sy het ’n paar woorde van wysheid gedeel met dié wat dink haar sproete lyk nie mooi nie.

“Vir al my sproetgesigvriende daar buite, ek deel met julle wat my pa vir my gesê het toe ek jonger was: ’n Gesig sonder sproete is soos ’n nag sonder sterre.”

Die sanger Kurt Darren se kleingoed is omtrent oulik verby! Kurt se vrou, Dunay, deel gereeld op Instagram die allermooiste kiekies en video’s van hul skattige vyf maande oue seuntjie, Kade, en sy ousus, Kyrah (2).

6 jaar getroud vandag en 2 kosbare kabouters later Tel beslis my seëninge!! #familyof4 #love #anniversary #6years

A post shared by Dunay (@dunayvanheerden) on Jan 8, 2017 at 2:33am PST

Kade, die jongste toevoeging tot die gesin, lyk reeds of hy in ’n hartebreker gaan ontpop.

Wine estate living @vergenoegd_wine_estate @kurtdarren #Kade #5monthsold #duckparade

A post shared by Dunay (@dunayvanheerden) on Mar 22, 2017 at 5:33am PDT

En die mannetjie is duidelik lief vir gesels.

My lagbekkie – spoegbekkie – lieflingkind #kade #babylaugh #happybaby #5monthsold

A post shared by Dunay (@dunayvanheerden) on Mar 23, 2017 at 2:03am PDT

Intussen draai sy ousus, Kyrah, haar ma om haar pinkie. Dunay het onlangs op Instagram vertel hoe haar haar dogtertjie haar “kunswerke” op haar mamma se lyf teken. “Sy kan met enige iets wegkom,” vertel Dunay by ’n foto waar Kyrah op haar been geskribbel het.

My 2 jarige se "work of art" Sy kan met enige iets wegkom #kyrahkat #workofart #2yearold #drawing #happy

A post shared by Dunay (@dunayvanheerden) on Mar 22, 2017 at 7:34am PDT

En kyk net hoe oulik sing sy haar gebedjie.

Dankie Jesus vir my kos, baie baie dankie, Amen, Amen #kyrahkat #praise #amen #thankful #singing #2yearsold #daughter #prayer

A post shared by Dunay (@dunayvanheerden) on Mar 16, 2017 at 3:32am PDT

Klein Kyrah is ook lief om in haar ma se mooimaak goedjies te krap en verf tot haar eie toonnaels.

Wanneer jou 2 jarige dogtertjie haar eie toonnaels verf #nailpolish #2yearsold #daughter #girlygirl

A post shared by Dunay (@dunayvanheerden) on Mar 13, 2017 at 11:43pm PDT

En kyk net hoe doen sy haar eie lippies!

Wanneer jy vir jou 2 jarige dogtertjie die spieëltjie moet hou sodat sy kan sien hoe mooi sy haar lippies doen #daughter #2yearsold #lips #lipstick #pink #girlygirl

A post shared by Dunay (@dunayvanheerden) on Feb 8, 2017 at 4:24am PST

Kurt en Dunay het onlangs hul sesde huweliksherdenking gevier en Kurt het sy vrou verras met ’n ete in die bosveld – met hul kroos. Te oulik!

My man het my verras met ń bosveld ete vir ons huweliks herdenking #anniversary #6years #bush #lunch #familyof4 #love

A post shared by Dunay (@dunayvanheerden) on Jan 9, 2017 at 10:14pm PST

Die Suid-Afrikaanse krieketlegende Jonty Rhodes sal binnekort vir die vierde keer pa word.

Jonty en sy tweede vrou, Melanie, wat tans in Moembai is vir vanjaar se Indiese Premierliga (IPL) verwag hul tweede baba. Hul eerste, India, is in April 2015 in Moembai gebore.

Hy is tans die Mumbai Indians se veldafrigter.

Hy het die nuus in Januarie op Instagram gedeel met ’n foto van Melanie.

2017 going to be a bumper year for the Rhodes family #lovelife

A post shared by Jonty Rhodes (@jontyrhodes8) on Jan 7, 2017 at 9:55pm PST

Hy het op ’n foto met sy vrou se babamagie gespog.

Jonty het die nuus in ’n WhatsApp-boodskap aan Huisgenoot bevestig, maar wou nie verder kommentaar lewer nie.

Intussen geniet die Rhodes-gesin dit om saam te reis.

India loving Sri Lanka #lovelife

A post shared by Jonty Rhodes (@jontyrhodes8) on Jan 7, 2017 at 9:57pm PST

India is dol oor Sri Lanka.

Everyday is a holiday, when u do what u love!!

A post shared by Jonty Rhodes (@jontyrhodes8) on Jan 15, 2017 at 4:46am PST

Melanie en India in die Maldives.

Jonty het ook twee kinders, Daniella en Ross, saam met sy eerste vrou, Kate.

My "little" girl @danni.rhodes reminding her dad not to step on her toes during the father/daughter waltz!!!

A post shared by Jonty Rhodes (@jontyrhodes8) on Sep 17, 2016 at 4:18am PDT

Jonty by sy en sy eksvrou se dogter, Daniella.

Tereza Troskie-Herbst (48) se hart is baie seer, maar sy het vrede nadat haar pa, John Berry (72), vroeg Vrydagoggend oorlede is.

Foto: Sharon Seretlo

John, by wie veelvuldige melanoomkanker net meer as ’n jaar gelede gediagnoseer is, was in ’n hospitaal in Somerset-Wes toe hy om 06:20 oorlede is.

“Dit is ’n seldsame soort kanker wat die been aanval en dit wegvreet,” het ’n hartseer Tereza gesê. Hy het erge pyn in sy laerug ervaar. Die laaste ruk het haar pa ook longontsteking gehad wat net nie wou opklaar nie.

Dit het veroorsaak dat haar pa gesukkel het om asem te kry, sê Tereza. Baie sterk antibiotika is vir hom voorgeskryf.

Dat hy nou reeds sou sterf het die familie nie voorsien nie. “ ’n Jaar gelede het ons gehoop hy sou nog vyf tot 10 jaar kan leef,” het sy gesê. Maar die afgelope Maandag is John se behandeling gestaak. Dokters kon niks meer vir hom doen nie.

Skanderings het swart kolle in haar pa se liggaam getoon, “tot by sy brein” het Tereza gesê.

Tereza het gesê haar ma, Joey (70) is baie hartseer, maar het vrede in haar hart.

’n Boodskap wat Tereza se skoonsus, Ilana Herbst, vanoggend vir haar gestuur het, het haar diep geraak. “Nou sit Jayden op oupa se skoot in die hemel.”

Jayden is Tereza en haar man, Bennie, se baba wat net ses dae gelewe het.

Tereza (naaslinks agter) en haar pa, John Berry (naaslinks voor). Foto: Verskaf

Die voormalige mev. Suid-Afrika sê sy sal haar pa onthou as die rustige vredemaker, die een wat altyd kalm was “wanneer stormwinde waai”. Sy familie was vir hom baie belangrik. Tereza sê haar pa was ontsettend lief vir en trots op haar en Boet Troskie se seun, Jamie.

“Ek kan nie onthou dat hy ooit vir my ma een skewe woord gesê of een skewe kyk gegee het nie. Hy was ’n voorbeeld van hoe jy jou medemens moet behandel.”

Die sanger se hart bars ongetwyfeld van trots.

Kurt Darren se seuntjie, Kade, is net vyf maande oud, maar het dié week reeds die eerste keer “pappa” begin sê.

Kurt se vrou, Dunay, het Vrydagoggend ’n oulike video op Instagram gedeel waar sy “pappa” sê en klein Kade glimlaggend sy mooie mamma se woorde naboots.

“Hoe oulik is dit nie. Hy is die ou slimste seuntjie en hou baie van gesels en lag,” vertel sy vir Huisgenoot.

“Hy roep nog nie na mamma of pappa nie, maar herhaal ons woorde wanneer ons dit sê.”

Slimste 5 maande oue seuntjie in die wêreld PAPPA!! #kade #5monthsold #babyboy #pappa #memories #clever #cleverboy #welldone #genius #jaekhetmylippiegestamp @kurtdarren

A post shared by Dunay (@dunayvanheerden) on Mar 24, 2017 at 12:56am PDT

Kade het reeds ’n paar weke gelede sy ma begin naboots wanneer sy “mamma” sê en nou doen hy dieselfde wannneer sy “pappa” sê.

Sy vertel hul dogtertjie Kyrah (2), het dieselfde gedoen toe sy net ses maande oud was.

Pappa is seker vreeslik trots?

“Ja-nee, sy hart is groot geswel,” vertel Dunay laggend oor haar man.

Sy deel gereeld op Instagram die allermooiste kiekies en video’s van hul skattige kroos.

“Hulle maak ons so gelukkig.”

6 jaar getroud vandag en 2 kosbare kabouters later ❤❤ Tel beslis my seëninge!! #familyof4 #love #anniversary #6years

A post shared by Dunay (@dunayvanheerden) on Jan 8, 2017 at 2:33am PST

Dankie Jesus vir my kos, baie baie dankie, Amen, Amen #kyrahkat #praise #amen #thankful #singing #2yearsold #daughter #prayer

A post shared by Dunay (@dunayvanheerden) on Mar 16, 2017 at 3:32am PDT

Wine estate living @vergenoegd_wine_estate @kurtdarren #Kade #5monthsold #duckparade

A post shared by Dunay (@dunayvanheerden) on Mar 22, 2017 at 5:33am PDT

Eers het arme Amor Vittone haar enkel in Januarie beseer en nou is dit haar seun, Jordan (13), wat twee nagte in die hospitaal moes deurbring.

Jordan is op 22 Maart in die Medi-Clinic in Morningside opgeneem en het kwaai pyn gehad.

Lees ook: Amor Vittone gehospitaliseer ná fratsongeluk by seun se partytjie

“Ons het eers vermoed dit is dalk sy blindederm, maar dokters het toe besef dis ‘n ernstige virale infeksie,” sê sy aan Huisgenoot.

Amor se enkel is beseer toe sy by ’n Johannesburgse trampolienpark skeef geval het. Sy het die park besoek as deel van Jordan se 13de verjaardagpartytjie. Dié besering het boonop beteken sy kan nie meer deel wees van die produksie Doringrosie nie.

Amor sou die rol van die nare Belladonna (ook bekend as Maleficent) vertolk het in die pantomime wat binnekort by Emperors Palace te sien is.

Lees ook: Enkelbesering kortwiek Amor se deelname aan pantomime – raai wie gaan nou die bose Belladonna speel.

“Ek het gelukkig nie die laaste paar dae motiveringspraatjies of ander sake gehad waarby ek moes wees nie en kon by Jordan bly.

“Dit gaan baie beter met hom en hy sterk by die huis aan, maar word vir die volgende paar dae fyn dopgehou en mag natuurlik vir die volgende sowat tien dae nie sport doen nie.”

Sy het die Medi-Clinic in Morningside bedank vir hul puik diens en bygevoeg dat sy almal se gebede en mooi boodskappe waardeer.

Dit is geen geheim dat die Afrikaanse sangeres Karlien van Jaarsveld baie lief vir haar huishulp Bingo Ramatsetse is nie.

Op ‘n onlangse insetsel van haar werklikheidsreeks saam met haar broer, Bobby, het Karlien juis twee dae lank by Bingo gaan woon en onder meer saam met haar duim gery om ’n taxi na die township Ramokgeletsane te haal.

“Jy leer maar net weer met hoe min ’n mens oor die weg kan kom en hoe tevrede jy kan wees,” het Karlien op die episode van In Jou Skoene op VIA (kanaal 147) vertel.

En nou wys Karlien Bingo is ‘n ewe groot aanhanger van haar jongste album, Sing vir Liefde, wat onlangs uitgereik is.

Kyk net hoe lekker kap sy dit uit!

Charlie Sheen beweer daar is ander Hollywood-sterre wat hul MIV-positiewe diagnose ’n geheim hou.

Die 51-jarige akteur het in November 2015 sy diagnose bekendgemaak nadat verskeie van sy ekse hom afgepers het in ruil daarvoor om sy diagnose ’n geheim te hou.

Charlie het Woensdag in ’n onderhoud op The Kyle & Jackie O Show gesê daar is ander Hollywood-sterre en -aktrises wat aan die siekte ly, maar het bygevoeg hy sal nooit hul “geheim verklap” nie.

Toe die aanbieder Jackie ‘O’ Henderson hom vra: “Dink jy daar’s nog mense in Hollywood met MIV wat dit nie sou waag om dit soos jy bekend te maak nie?” het Charlie geantwoord: “Ek weet wie hulle is, maar ek sal dit saam met my graf toe neem.”

Sy skok-verklaring was net een van die skokkende onthullings wat Charlie tydens die onderhoud gemaak het – hy’t ook verklaar dat hy een keer ’n naakte skootdans deur Lady Gaga aangebied is.

Volgens die gewese ster van Two and a Half Men het hy ’n oproep van Lady Gaga se mense gekry om te vra of hy in die sangeres se gewaagde video sal verskyn.

“Ek het ’n oproep van een of ander lummel gekry wat sê: ‘Luister, Lady Gaga doen haar eerste gewaagde video op MTV. Sy gaan ’n ontkleedanseres in ’n kroeg wees en al persoon vir wie sy ’n skootdans gee, gaan Charlie Sheen wees’.”

Lady Gaga het toe die konsep telefonies met Charlie bespreek en hy sê sy’t gesê “Britney (Spears), Lindsay (Lohan) en Lady Gaga sou in die video deur die verkeer jaag om by die ontkleeklub uit te kom. Hulle is die dansers!”

Charlie het bygevoeg: “Gaga het gesê: ‘Ek gaan heeltemal kaal wees. Is jy gereed daarvoor?’ En ek’t geantwoord ek is gereed gebore!”

Hoewel hy en sy ’n lang gesprek oor die video en verskeie onderwerpe gehad het, het die video nooit voortgegaan nie.

Charlie het ook met Kylie en Jackie gepraat oor ’n rowwe aand wat hy saam met Lindsay gehad het nadat sy ’n kameerol op sy komediereeks Anger Management in 2013 vertolk het.

Die Protea-krieketspeler JP Duminy en sy vrou, Sue, se eenjarige dogter, Isabella, is ongetwyfeld een van die land se jongste reisigers.

Die kleinding is in Augustus 2015 gebore en het omtrent stempels in haar paspoort.

En al is sy is nog nie eens twee jaar oud nie, het sy Woensdag haar 88ste vlug onderneem.

Sue hou altyd rekord van die spesiale oomblikke op haar dogter se reise.

Die gesin reis na waar ook al JP se krieketwedstryde hom neem. Hulle was onlangs in Nieu-Seeland, waar JP in die Proteas se toetsreeks teen die Kiwi’s gespeel het.

Sue deel ook graag foto’s van die interessante en mooi plekke wat hulle besoek. Sy benut hul tyd om oor die wêreld heen gedurig allerlei prettige aktiwiteite op haar wenslysie aan te durf. Sy het onder meer onlangs saam met wilde dolfyne geswem en ’n valskermsprong aangepak.

En ons kan nie genoeg kry wanneer Sue die selfoonkamera vir foto’s en video’s van Isabella nader trek nie. Die oulike kleinding glimlag omtrent vir die kamera. Hier is van kostelike foto’s en video’s wat Sue onlangs van Isabella gedeel het.

Dwayne “The Rock” Johnson het sy loopbaan voorlopig opsy geskuif om sy lewensmaat, Lauren Hashian, te ondersteun.

Toe Dwayne hoor Lauren se pa, die Boston-rocker Sib Hashian, het Woensdag gesterf, het hy sonder aarseling alles laat vaar op die stel van sy HBO TV-reeks Ballers in Las Vegas en dadelik na Lauren gevlieg.

Sib het het tydens ’n vertoning op ‘n rock-vaart ineengestort en gesterf.

Lauren is die ma van sy dogtertjie, Jasmine. Wayne het ’n foto op Instagram gedeel waarop hy, Lauren, Jasmine, Sib en nog twee vroue verskyn en na Sib as sy “tweede pa” verwys.

“Weet nie hoekom goed gebeur soos dit soms doen nie. As ’n geliefde ons so skielik verlaat sonder ’n geleentheid om te groet,” het hy geskryf.

Rest In Peace & Love to my second dad Sib Hashian. Don't know why things have to happen the way they do sometimes. When loved ones leave us so suddenly without having a chance to say goodbye. Perhaps the lesson here is the reminder to live our lives as full and as present as we possibly can, because we just never know what's around the corner. What a full and exciting life this man lived. What an amazing family he created, loved, watched over and protected. Being on stage, in front of adoring fans, friends and family. Keeping the beat one last time. Your passing in this manner is extremely poetic and somehow beautiful. Thank you for the many life lessons you've taught over the years. Grateful. We love you Sib. We miss you. Yhmwitcoltroml. "Hasan burgers" for everyone in heaven.

A post shared by therock (@therock) on Mar 23, 2017 at 2:32pm PDT

Dwayne mag wel ’n monster in die professionele stoeikryt gewees het, maar die man het al meer as een keer bewys dat hy ’n sagte hart het.

Kort voor hy die nuus van Sib se dood ontvang het, het Dwayne ’n roerende video vir ’n siek aanhanger genaamd Taitusi op Instagram gedeel. Taitusi wou graag vir Dwayne ontmoet, maar “The Rock” se reisverpligtinge het dit onmoontlik gemaak om na Taitusi te reis.

In die video sê Dwayne “jy is gek oor hoender, ek is gek oor hoender. Jou gunsteling kleur is rooi, ek is gek oor rooi. Jy’s dol daaroor om Call of Duty te speel, ek faal liederlik met Call of Duty. Jy’s gek oor pannekoek, ek’s gek oor pannekoek . . .”

Dit het nie daar geëindig nie.

“Ek wil hê jy moet weet alhoewel ek jou nie kan sien of ontmoet nie . . . jy een van die koelste kinders is waarmee ek nog ooit gesels het. Jy is sterker as wat ek ooit sal wees.”

Taitusi this message is for you. Make a Wish just called me and I wish I could be there with you in Hawaii right now. Even at 13yrs old you're already way stronger than I'll ever be. Ever. Even though we've never met, I can already tell you're one of the coolest and most amazing kids I've ever talked to like this. I just want you to know how amazing and special of young boy you are. You inspire every single person around you right now. Including me. God bless you and your family and yes I'm gonna go crazy on rice crispy treats this weekend for my cheat meal in your honor 🤙 Alofa atu, DJ

A post shared by therock (@therock) on Mar 22, 2017 at 7:41pm PDT

© Cover Media

Hulle is reeds die ouers van die skattige twee-jarige Lira en nou kan die aktrise Vicky Davis en haar man, Schalk Joubert, uitsien na die koms van nog ‘n kleinding.

Schalk, wat ‘n musikant is, het die blye nuus op Facebook gedeel en gesê Vicky is swanger met ‘n seuntjie wat na verwagting in September sy opwagting sal maak.

Baie geluk, julle!

Jennifer Lopez het van een sny pizza per dag geleef voor sy haar eerste groot optrede as danseres gekry het.

Dié boorling van New York is nou ’n wêreldberoemde superster, maar in die laat 1980’s, toe sy met haar loopbaan begin het, was dit uiters moeilik om die begroting te laat klop. Dit was so erg dat sy soms moes honger ly om deur te kom.

“Ek het een sny pizza per dag geëet – geen ontbyt of middagete nie,” het sy onthou terwyl sy World of Dance, haar nuwe kompetisieprogram vir televisie, bekendgestel het.

Ek het dit saans sesuur geëet sodat dit my kon deurdra tot die volgende dag. Dis hoe ek geleef het nadat ek uit my ma se huis getrek het, en ek het dit ’n paar jaar lank gedoen tot ek my eerste groot geleentheid gekry het.”

J-Lo het haar groot deurbraak in 1991 gemaak toe sy as ’n Fly Girl gekies is in die sketskomediereeks In Living Color, en sy het voortgegaan om haar in Hollywood te vestig deur rolle te vertolk in rolprente soos die biografie Selena, Anaconda en Out of Sight, waarin sy saam met George Clooney opgetree het.

En terselfdertyd het sy sukses behaal op die poptrefferlyste.

Maar die treffermaker van Jenny From the Block hou vol sy sal nooit haar nederige begin vergeet nie, want dit hou haar voete stewig op die aarde.

“Ek sou dit vir niks ter wêreld wou verander nie,” het die 47-jarige Jennifer oor die moeilike begin van haar loopbaan gesê, want dit het haar deels geïnspireer om terug te keer na haar wortels in die danswêreld vir haar nuwe werklikheidsreeks, waarin sy as beoordelaar optree.

“Ek het daardie stryd deurgemaak en wat my betref, is dit ’n droom wat vir my waar geword het. En ek sê dit nie ligtelik nie.”

World of Dance, wat in Mei in Amerika sy buiging op televisie maak, het ook vir Derek Hough en Ne-Yo op die beoordelaarspaneel. Jenna Dewan Tatum, Jennifer se mededanseres en deesdae aktrise is die aanbieder.

Dit is die jongste projek op Jennifer se reeds propvol lysie – dit vereis fyn voetwerk vir die moeder van twee om haar gesinslewe te balanseer met haar modestrewes, haar verblyfplek tydens konserte in Las Vegas en Shades of Blue, haar New Yorkse polisiedrama wat so pas vir ’n derde seisoen hernieu is.

© Cover Media

Arnold Schwarzenegger het die spot gedryf met die Amerikaanse president, Donald Trump, se goedkeuringsyfer wat ’n laagtepunt bereik het net twee maande nadat hy in die amp aangestel is.

Foto: Cover Media

Die ster en die politikus het die laaste paar maande aanlyn beledigings uitgeruil nadat die Terminator-akteur as aanbieder oorgeneem het in die 15de seisoen van Donald se sake-werklikheidsreeks, The Celebrity Apprentice, wat in Januarie uitgesaai is.

Die nuwe reeks, waarin die biljoenêr-eiendomsontwikkelaar nog as uitvoerende vervaardiger aangedui word, het nie groot aftrek gekry nie en Arnold het vroeër vandeesmaand aangekondig hy gaan die reeks ná net een seisoen los weens Donald se knaende inmengery.

En nou het Arnold ’n hou na Donald gemik nadat die jongste peiling van die navorsingsmaatskappy Gallup aangedui het dat die president se goedkeuringsyfer ’n nuwe laagtepunt van net 37 persent bereik het.

“Donald, die syfer is in en dis klaarpraat met jou,” sê Arnold in ’n video wat Dinsdag op Twitter gedeel is. “Sjoe, jy trek nou in die 30’s.”

Die Hollywood-aksiester en voormalige goewerneur van Kalifornië het Donald se swak syfer blameer op sy nuwe begrotingsplanne wat sny aan welsynsprogramme waarop die behoeftigstes in Amerika staatmaak.

“Wat verwag jy? As jy naskoolse programme vir kinders en kos vir armes wegneem, is dit nie juis ’n manier om Amerika weer groot te maak nie (’n verwysing na Donald se verkiesingslagspreuk).

Arnold het toe aangebied om Donald na ’n plaaslike skool in Washington, DC, te neem om self te sien hoe federale befondsing in die gemeenskap aangewend word.

“Kom ek gee vir jou raad: Gaan na ’n skool – sommer die Hart Middle School daar naby die Withuis in Washington. Ek sal jou neem sodat jy kan sien watter goeie werk hulle vir hierdie kinders doen. Sal ons so maak?”

Donald, wat gewoonlik vinnig na kritici op Twitter kap, het nog nie op Arnold se aanbod gereageer nie.

© Cover Media

Karlien van Jaarsveld is amptelik Mevrou Breytenbach!

Sy en die oud-rugbyspeler Joe Breytenbach het onlangs getrou en sy het aanhangers ‘n kykie in hul spesiale dag gegee deur ‘n foto op te laai waarby sy geskryf het “Vandag kan ek met oorgawe en soveel dankbaarheid vir jou sê – moet nooit opgee op die liefde nie”.

Gelukwense het van oral ingestroom en aanhangers is duidelik verheug oor die paartjie se goeie nuus. Baie mense wou weet of Karlien en Joe Sondag, die dag waarop sy die inskrywing gedeel het, getrou het.

Karlien het egter aan aanhangers bevestig hulle is reeds getroud en bygevoeg sy “werk vandag”.

Lees ook: Popprinses Karlien van Jaarsveld mesmeraais in skattige skoffelvideo saam met haar kêrel!

Karlien en Joe het in September 2016 bekendgemaak hulle is verloof.

Sy het hom beskryf as “net ‘n gewone ou, met ‘n gewone werk wat lief is vir golf…en ‘n bier om te ontspan.”

Lees ook: Karlien se ‘gewone Joe’ bederf haar met liplekker-springbokblad – hier’s ons resep!

Volgens Karlien het hulle al 11 jaar gelede in Potchefstroom ontmoet en “gesoen”, maar Joe het toe Frankryk toe gegaan en die verhouding het nie gevorder nie.

Sy het toe bygevoeg sy is “baie opgewonde” om die nuus met haar aanhangers te deel.

Kendall Jenner het op die werklikheidsprogram Keeping Up with the Kardashians van haar ervaring met haar beweerde bekruiper vertel.

Shavaughn McKenzie is in Augustus verlede jaar buite haar huis in Hollywood Hills in hegtenis geneem nadat hy na bewering by haar veiligheidshek ingeglip het toe sy in haar motor by die huis kom.

In Oktober het sy in die distrikshof in Los Angeles teen hom getuig en ’n interdik is teen hom toegestaan wat hom vir vyf jaar verbied om naby Kendall te kom of haar te kontak.

Kim Kardashian se halfsuster het nou op die werklikheidsprogram oor die ontstellende voorval gepraat.

’n Voorskougreep wys hoe sy haar ma, Kris Jenner, en Kourtney Kardashian se eks Scott Disick vertel wat gebeur het.

“Ek het een aand by die huis gekom en daar het ’n ou in my straat rondgestaan. Ek het gedink: ‘Dis nogal vreemd,’ ” sê sy.

“Toe ry ek om na my huis toe en kyk hoe die hek toegaan. Ek het my motor afgeskakel en my goed bymekaargekry. Ek was op die punt om my deur oop te maak toe ek in my truspieël kyk en hy net daar staan . . . binne die hek, reg agter my motor.”

Terwyl sy na die kamera kyk, verduidelik die model sy was eers vurig onafhanklik en het van haar eie geselskap gehou, maar dit het “heeltemal omgekeer” sedert haar ervaring met die bekruiper wat volgens haar nou verhoorafwagtend in die tronk is.

“Ek raak toe die kluts kwyt en hy sê: ‘Ek moet met jou praat,’ en ek sê: ‘Nee, jy moet loop,’ ” vertel sy verder.

“Ek bel toe dadelik een van my vriende. Ek snik, huil. Hy is by my ruit, slaan daarteen, skree op my. Ek begin eindelik agteruit ry, tot by my hek. Die hek gaan oop en ek ry uit. Toe begin (hy) ewe skielik agter my aan hardloop.”

Gelukkig het haar vriende op daardie oomblik daar aangekom en die man op die sypaadjie laat sit terwyl hulle gewag het dat die polisie op die toneel aankom.

In dié episode, wat op Sondag 26 Maart uitgesaai sal word, kry haar suster Kylie ook ’n veiligheidskok toe haar alarmstelsel afgaan terwyl sy uit was om aan te dui iemand het by haar ingebreek. Kris se lewensmaat, Corey Gamble, gaan stel dan ondersoek in.

© Cover Media

In 2014 het Rolene Strauss op die verhoog gestaan en die kroon as nuwe Mejuffrou Suid-Afrika aanvaar. En nou, sowat drie jaar later, is sy terug in Sun City om die opwindende naweek saam met ander hoopvolle finaliste te beleef.

Rolene het vroeër die naweek ‘n foto gedeel waar sy en haar man op pad is Sun City toe vir die kroningsnaweek. En nes met al haar openbare verskynings, het die voormalige Mejuffrou Wêreld nie ‘n enkele modevoet verkeerd gesit nie.

Jy kon Rolene deur ‘n ring trek in haar nousluitende wit broek met ‘n rooi snyersbaadjie wat sy Saterdagaand gedra het.

Die nuwe ma het ewe mooi gelyk in ‘n helderblou eenstukpak en by die foto geskryf dit voel vir haar ‘nes die goeie ou dae’ om terug by Sun City te wees en die Mejuffrou Suid-Afrika onderhoude en kleedrepitisies te sien.

Hierop het haar man, D’Niel, glo geantwoord ‘Wat bedoel jy? Nou is die goeie ou dae!'”

Rolene se laaste uitrusting Saterdagaand was ‘n swart eenstuk en baadjie.

Sy het ook verklap dat sy deur die loop van die naweek haar tuisdorp, Volksrust, besoek het vir ‘n troue en daarna terug Sun City toe is vir die kroning Sondagaand.

Die twaalf finaliste wat Sondagaand meeding om die kroon is Adè van Heerden (25), Boipelo Mabe (23), Iman Mkwanazi (26), Nompumelelo Mampholo (20), Shelbe Pretorius (23), Demi-Leigh Nel-Peters (21), Odirile Sepeng (23), Priyeshka Lutchman (24), Shané Naidoo (24), Kayla Malherbe (21), Nicole van Niekerk (26) en Yuta Raubenheimer (25).

Mej. Suid-Afrika word Sondag van 17:00 regstreeks op Mzansi Magic (kanaal 161) en M-Net (kanaal 101) uitgesaai. Die wenner word omstreeks 20:00 gekroon.

Die Britse aktrise Jessica Brown Findlay het onthul dat sy met ’n eetsteuring sukkel.

Die voormalige ster wat die rol van Sybil Crawley in die geskiedenisdrama Downton Abbey gespeel het, sê sy worstel al die afgelope 13 jaar met ’n eetsteuring. Sy het dié onthulling gedoen in ’n onderhoud met die Britse koerant Daily Telegraph terwyl sy gepraat het oor die druk wat sy as jong aktrise ervaar om ’n sekere manier te lyk.

“Ek het al ’n eetsteuring sedert ek 14 was,” het Jessica (27) gesê.

“Ons word geleer hoe ’n sekere standaard van skoonheid en sukses lyk, en ek voel daar moet ’n tyd aanbreek wanneer daar nie meer reëls is nie. Dan kan ons ’n volwasse gesprek hê oor wat dit behels, en ook oor depressie.”

A post shared by Jessica Brown Findlay (@jessiebrownfindlay) on Mar 21, 2015 at 5:53pm PDT

Jessica het bygevoeg dat sy besluit het om oop kaarte oor haar stryd te speel omdat sy hoop dit sal ander help wat dalk dieselfde probleme het, en hulle minder alleen laat voel. Sy het gesê die dapper stap om oor haar stryd met ander en kenners te praat, het haar ook reeds minder alleen laat voel.

Nominated as a Brit to watch in 2010, Jessica Brown Findlay is on the rise. She has finished filming Victor Frankenstein, is filming The Outcast, and is going to film Everything Carries Me to You next year. Can't wait for all of these things!

A post shared by Jessica Brown Findlay (@jessiebrownfindlay) on Dec 30, 2014 at 5:17pm PST

“Ek het in terapie werklik myself bekyk en besluit ek gaan myself help om veilig en goed en gesond te voel, en daaroor te praat. Ek het vir so lank alleen gevoel en net weggekruip. En toe begin ek praat en hou my kop omhoog en in plaas van om jammer te sê, het ek besluit om vir myself te sê ek maak saak.”

Die Victor Frankenstein-aktrise erken sy was altyd versigtig in onderhoude omdat sy “weggeskram het van dinge”, maar het nou “geleer om op te staan en te sê: ‘Dis wie ek is, en dis oukei.’ ”

A post shared by Jessica Brown Findlay (@jessiebrownfindlay) on Jul 13, 2015 at 9:29am PDT

© Cover Media

Aanhangers van die pop-prinses Karlien van Jaarsveld is in die wolke nadat Karlien Sondagmiddag bekendgemaak het sy en die oud-rugbyspeler Joe Breytenbach het onlangs getrou.

“Mag daar net voorspoed en guns in julle huwelik wees,” het een aanhanger, Petro Groenewald, geskryf terwyl nog een bygevoeg het “Elkeen verdien ware liefde en om gelukkig te mag wees”.

Karlien het die nuus bekendgemaak deur ‘n Instagram-foto met ‘n paar spesiale oomblikke uit haar en Joe se troudag te deel.

“Vandag kan ek met oorgawe en soveel dankbaarheid vir jou sê – moet nooit opgee op die liefde nie,” het sy by die foto geskryf.

“Baie geluk aan jul albei! Mag julle jare se geluk en liefde saam beleef en mag jou glimlag altyd in jou oë wees” en “Jy laat ‘n mens glo dat daar nog hoop is daar buite, maak nie saak wat ‘n mens deurmaak nie. Daar is altyd ‘n reënboog aan die einde van ‘n tonnel,” het nog twee aanhangers geskryf.

Karlien en Joe het in September 2016 bekendgemaak hulle is verloof.

“Dankie vir almal se gelukwens. Ons is baie happy” het Karlien haar aanhangers bedank.

Demi-Leigh Nel-Peters is Sondagaand by Sun City aangewys as die nuwe Mejuffrou Suid-Afrika.

Die donkerkop, wat ‘n B.Com-graad in sakestudies van die Noord-Wes Universiteit het, was sigbaar verheug toe die voormalige kroondraer, Ntando Kunene, die gesogte kroon aan haar oorhandig.

Die 21-jarige skoonheid is ‘n boorling van die dorpie Sedgefield buite George. Haar ouers woon steeds daar.

Demi-Leigh doen ook deeltyds modelwerk en was in 2011 selfs die junior-adjunkburgemeester van George se stadsraad. Sy is glo lief vir vlytkuns en maak graag handgemaakte kaartjies.

Adè van Heerden (25) is as eerste prinses gekroon met Boipelo Mabe (23) wat as tweede prinses aangewys is.